Monday, March 28, 2011

गजल २०

माया गर्छु भन्दा भन्दै किन आँशु झार्‍यौ भन
मेरो झुप्रो छोडी किन अर्कै डेरा बार्‍यौ भन।।

हिजो सम्म ढकमक फुलिराथ्यो तर आज
यो डालीको थुँगा टिपी कुन डालीमा सार्‍यौ भन।।

भन्थ्यौ सधै हेरी राख तिम्रो मन भित्र फुल्छु
हेर्दा हेर्दै तर किन अर्कै बाग चार्‍यौ भन।।

तिमी बिना अडिदैन मेरो मन कतै पनि
थाहा थियो सबै फेरी किन एक्लै पार्‍यौ भन।।

संगै बाच्ने संगै मर्ने भनी बाचा गरेकोहो
आफु बाँची मलाईचै किन अघि मार्‍यौ भन।।

फड्को मारी हिड्यौ तिमी दाउ हात परे पछी
जित तिम्रै हुनु पर्थ्यो तर किन हार्‍यौ भन।।

No comments:

Post a Comment