Wednesday, March 26, 2014

गजल ७१

देश रुँदा सबको मन रोला त्यतिबेला
राष्ट्रियता पहिचान होला त्यतिबेला।।

राष्ट्र भन्दा आफ्नो स्वार्थ हेर्दा यति खेर
दागै दाग लागे कस्ले धोला त्यतिबेला।।

स्वर्ग भन्दा प्यारो हुन्छ आफ्नो जन्मभुमी
गुमेपछी बल्ल मन  छोला  त्यतिबेला।।

मातृभूमी मेरो तेरो गर्दा भागबन्डा
बिदेशिनु पर्ला बोकी झोला त्यतिबेला।।

आफु भन्दा देश ठूलो भन्ने सोंच आए
बल्ल फेर्ला यो देशले चोला त्यतिबेला।।

Friday, March 21, 2014

जन्म दिनको शुभकामना

(Dedicated to my lovely son, Aagat Awasthi, on his 24th birthday, and to all his age-group-peers, whose birthday falls on 21st March.)

तिमीलाई जन्मदिनको हार्दिक मंगलमय शुभकामना!!!

अप्प दीपो भव:। (अर्थात आफ्नो दीप आफै बन।) - गौतम बुध्द

जीवनमा कहिले पनि नहोस् तिम्रो हार
थाम्न सक जति पनि यो धर्तीको भार
विश्वलाई जित तिमी गर्छु यही कामना
जन्मदिनको तिमीलाई दिन्छु शुभकामना!!

Many many happy returns of the day, Happy birthday, Babu!!!

Saturday, March 8, 2014

गजल: नारी

इतिहासमा लेखिएको गाथाको जीत हो नारी
सदभाव बनाई राख्ने सबैको हित हो नारी।।

धर्तीलाई भिजाएर सिर्जनामा रमाइदिने
सृष्टीलाई जोगाई राख्ने एउटा रीत हो नारी।।

हाँसो खुशी र मायाले बनेको सुमधुर  धून
संगीतले भरिएको तरङ्गीत गीत हो नारी।।

गाँसेर प्रेमरूपी माला सजाएर सबै तिर
एउटै शूत्रमा  बाँधने सबैको मीत हो नारी।।

निभाएर मनका ज्वाला, प्रेमको सागर बनी
प्रचण्ड गर्मीका दिन छहारीको शीत हो नारी।।

बाँडेर मनको खुशी, प्रेमको भाव जगाएर
सबैको मनमा छाउने लजालु प्रीत हो नारी।

Thursday, March 6, 2014

गजल: होली खेलौं रमाएर

आदरणीय साहित्यिक मनहरु, मुहारपुस्तिकामा आबध्द मित्रहरु तथा संपूर्ण रंगप्रेमी जनहरुमा रंगीन पर्व होली - २०७० को हार्दिक मंगलमय शुभकामना सहित यो साहित्यक भेट:

रंगै रंगको पर्व होली खेलौ रमाएर
खुशी बाँडौं एक-अर्काको हात समाएर।।

सधैभरी आउँदैन रमाइलो दिन
राखौं आज नबिर्सने दिन बनाएर।।

खुकुलिन लागिसक्यो संबन्धको गाँठो
कसौं फेरी होली खेली खुशी मनाएर।।

इष्टमित्र साथीभाई सबै भई जम्मा
भिजौं हामी मायारुपी रंग खन्याएर।।

सप्तरंगी इन्द्रेणी झै बनौं हामी पनि
राम्रो काम गरी आफ्नो नाम रंगाएर।।

ऊ केही गर्दिन, ऊ हाउस वाइफ हो

ऊ केही गर्दिन ऊ हाउस वाइफ हो। उसले हाउस् वाइफ भन्ने शब्द सुनेकी मात्र हो अर्थ बुझेकी छैन उसको श्रीमानले उसको परिचय यसरी नै दिने गरेक...