गजल ७

के हुनु र मस्तिष्कमा सबै खाली खाली
सोच्नै केही सकिएन नेता परे जाली।।

बिकास र योजनाका काम ठप्प पारी
खाने बेला सबै मिली बजाउँछन ताली।।

काम केही नगरेरै खान्छन तलब भत्ता
त्यही भएर थप्पड दिदां गर्छन उल्टै गाली।।

पदको लागी मरीहत्ते गर्छन सबै दल
सकेनन् कोही जिताउन आफ्नो मत हाली।।

विदेश जान पर्‍यो भने नाता गोता खोजी
जान्छन् सबै हुल बाँधेर देशकै इज्जत फाली

फोहर मैला जताततै दुर्गन्धित भो सबै
स्वच्छ बग्ने बागमती नि बनाइहाले नाली

गोजी भर्ने होडबाजी हो छैन देशको माया
यो भूमीलाई जोगाउन चाहियो राम्रो माली।।