कसैलाई दु:खी पार्ने गजल अब लेख्दिन भो
आफ्नो पीर अन्त सार्ने गजल अब लेख्दिन भो।।
लेखुँला म गीत बरु तिमीलाई हँसाउने
तर तिम्रो आँशु झार्ने गजल अब लेख्दिन भो।।
पस मेरो आँखा भित्र बस सधै नानी बनी
तिम्रो मेरो माया मार्ने गजल अब लेख्दिन भो।।
रहर हैन बाध्यताले विदेशमा पुग्यौ कठै
मुग्लानीको पीडा खार्ने गजल अब लेख्दिन भो।।
जीवनमा आँशु भन्दा हाँसो धेरै पाएको छु
त्यसैले त बाजी हार्ने गजल अब लेख्दिन भो।।
No comments:
Post a Comment