आमा

मेरी जन्मदाता आमा आज यो संसारमा हुनुहुन्न तर उहाँको न्यानो स्पर्षको अनुभुति अझै ताजा छ। आज मातातिर्थ औसीं, आमाको ममतासंग जोडिएको विषेश दिन। यसै अवसरमा श्रध्दा सुमन स्वरुप यी हरफ मेरी आमालाई। मायाकी खानी संपूर्ण आमाहरूलाई लाख लाख शुभकामना!!!



"आमा सरी अरु तीर्थ हुदैनन् रे भन्छन्
ईश्वर पनि आमा भन्दा ठुला छैनन् भन्छन्।
तिम्रो माया बराबरी कुनै बस्तु छैन
ईश्वरको सृष्ठिमा नै अर्को श्रेष्ठ छैन।।
सगरमाथा भन्दा पनि चुली मेरी आमा
देउता भन्दा कति गुना ठूली मेरी आमा।।"