गजल ४६

धेरै लामो अन्तराल पछी यो सानो कोसेली लिएर यहाँहरु सामु आएकी छु। आशा छ सबैले साथ दिनुहुनेछ। धन्यबाद।

यति राम्रो ढकमक फुलेको यो बाग
छिन्न भिन्न पारी आज नलगाउँ भाग।।

सबै जात जाती मिली बसेका हौं हामी
छुट्टै राज्य खडा गर्ने नराखौं न माग।।

भाइ फुटे गवाँर लुटे भन्थे बुढा पाका
त्यस्तै होला मन भित्र राखे रीस राग।।

एक ढिक्का बन्नु पर्छ सबै मिलीकन
यो देशको रक्षा गर्न लौन सबै जाग।।

पुण्य क्षेत्र हो यो  हाम्रो प्यारो जन्मभूमी
यो धर्तीको ऋण तिर्न अब  गरौं त्याग।।